قصة زوجى للبيع

 

عرضت زوجى للبيع ايوه زى ماسمعتوا تعالوا احكى ليكم حصل ازاى ده 

كنت طفله صغيره محرومه من كل شئ وعيت للدنيا وليس لى ام اعيش مع والدى وزوجته التى تكرهنى وانا اكرهها فكانت تصرف كل مال ابى عليها وعلى اولادها وكان ابى لا ياتى من عمله الا اخر النهار فلا اراه كثيرا ولا يعرف عنى الكثير فكنت محرومه من الامومه والحنان والرعايه ومحرومه لا ااكل اللى فى نفسى ولا اشترى ما تميل نفسى اليه سواء من العاب او لبس اوغير ذلك وكبرت وانا على نفس الحال ولكن اصبح بداخلى الكره للناس وحبى للغنى باى طريقه وجاء الوقت الذى بدء يتقدم لى فيه العرسان ولكنى كنت اريد العريس الذى سوف ينتشلنى من الفقر ولكن رفضت الكثير والكثير ولا يتقدم لى الا الفقير مثلى حتى تقدم لى شاب فقير ايضا ولكن احسست فيه الطموح مثلى واننا سوف نشق طريقنا معا الى الغنى وكان شاب وسيم ولابق وكان ليس امامى غير ذلك فمن ذلك الغنى الذى سوف يفكر فى ومن اين سوف ياتى وفعلا وافقت على الزواج منه وتمت الخطوبه وفعلا كان ظنى فى محله فكنا متفقين جدا فى كل شئ وحبنا لان نكون اغنياء فى يوم ما باي سبيل ومرت الايام وتزوجنا وضاق بنا الفقر وبدانا نفكر فى كيف نرفع مستوى معيشتنا فكان كل ما يشغل بالنا فى طريقه ما لنصبح اغنياء حتى يوم كنا فى طريقنا الى البيت بعد خروجه وسهره جميله قابلنا صديق لزوجى وهو يقود سياره فاخره وبعد ترحيب بينهم قال زوجى لصديقه ايه انت اشتغلت سائق ولا ايه فقال سائق ايه ياعم دى سيارتى فتفاجئ زوجى وقال ازاى ومنين فقال له اصلى تزوجت وبعد حوار وكلام كتير اتاريه شغال فى كوافير حريمى كبير وفى زبائن كتير اغنياء وفى ارامل ومطلقات اغنياء بيجوا الكوافير وفى منهم بحكم انهم معاهم المال بيبقى غرضهم الزواج بشاب ويفضل ان يكون وسيم على رغم انهم قد يكونوا اكبر منه او انهم على قدر قليل من الجمال ولكن المال يفعل الكثير وبعد هذا الحوار الذى دار بين زوجى وصديقه تغير كل شئ فعدنا وبالنا يفكر فى كلام صديقه  

 وعندما وصلنا ودخلنا غرفتنا حتى نغير ملابسنا فنظرنا الى بعضنا وقلنا فى نفس واحد ايه رايك فقولت تقصد اللى اقصده فقال ايوه لو معندكيش مانع انا اخلى صديقى يعرفنى بزبونه من اللى حكى لينا عليهم وننبه عليه انه ميعرفهاش انى متجوز واهو نطلع بقرشين فقولت موافقه وهو زى ما يكون ما صدق وكان مستنيى اقول موافقه قام واتصل على صديقه وكمل كلامه معاه وقبل ما يقفل معاه قال له بقولك ايه ما تشوفلى جوازه زى جوازتك دى فرد وقال له بس انت متجوز فرد زوجى ما احنا مش هنعرفها وبالنسبه لزوجتى سبلى انا الموضوع ده انا هدبر امورى معاها وياعم هبقى اشوفك برده لما ربنا يسهل المهم بعد مكالمه طويله اتفقوا انه هيعرفه على زبونه بتيجى كل فتره محدده بس هيدبروا الميعاد وكانه صدفه وهو هيكون فى المحل فى الوقت اللى بتيجى فيه وهو هيعرفهم على بعض وزوجى عليه الباقى بان يفتح معاها الحديث ويتغزل فيها باسلوب راقى لحد ما السناره تغمز وانا سامعه وكانى مش سامعه ولا كانى زوجته وهدفى وحلمى القديم فى الغنى هو اللى كان امام عينى ومكنش فارق معايا اى حاجه تانيه المهم راح فعلا فى الميعاد وفعلا تمت الخطه على اجمل وجه وخاصة ان زوجى وسيم ولابق زى ما ذكرت قبل كده وتم زواجهم وفعلا بدا يستحوز على ما يمكن ان يستحوز عليه منها ثم طلقها واستحلى الامر فقد قام بالبحث عن غيرها وسهل له الامر عدم اعتراضى على الامر فكان يصرف على الكثير ما يجعلنى لا اعترض على شئ فكان يوفر لى كل ما اطلبه شقه وشاليه وسياره وحياه مرفه ولكن كل شئ باسمه فلى حق المنفعه معه فقط وكان كلما اقول له اكتب اى شئ باسمى يتحجج ويقول لى انت مش واثقه فيا ويتركنى ويذهب دون استجابه وكان يغتنى اكثر واكثر فكان من يقدر على الاستحواز على ما لديها اثناء الجواز يطلقها ومن لم يقدر على اخذ شئ منها وتكون حريصه وذكيه يتركها معلقه دون طلاق حتى تضطر ان تدفع له حتى يطلقها ومرت الايام وكان يحقق لى كل احلامى وكانت الامور تسير على اجمل واجه ولكن مرت السنين ولم ننجب وكشفنا فاتضح ان السبب منى واكدت الاطباء اننى عقيمه ولن انجب ابدا وبدات حياتى تتعكر مره اخرى حتى جاءت لى فكره شيطانيه ظلت مستحوزه على كثيرا وخاصة ان زوجى رافض موضوع التبنى تماما فكان يقول لى ان لست عقيم حتى اتبنى فقولت له طب انا عندى فكره لازم توافق عليها زى ما انا وفقت على اللى فات فقال فكرة ايه فقولت. تابع القراءه 

اضغط  هنا الجزء الثانى