الجزء الرابع من قصة نسمه على الطريق

  

فضلت محتاره ومش عارفه تعمل ايه حتى كده مش هعرف ادور على شغل ولا سكن ايه خلاص مكتوب لي افضل فى الشارع على الطريق عرضه لأى حاجه 

لحد ما قالت اه صح افتكرت حاجه هى دى الحل مافيش غير كده 

اكيد صورة البطاقه عند صاحب الشقه  اللى كان حازم مأجرها ليا قبل ما انقل عندهم انا فاكره يومها لما اخد منى البطاقه وصورها وقت ما كتبنا عقد الإيجار  

اروح له وربنا يحلها يارب بس تكون لسه معاه  اهى تنفع ويمكن الست ترضى بصورة البطاقه وتوافق تأجرلى المكان وفعلا قامت واتجهت إلى هناك 

ولما وصلت وجدت الشقه اللى كانت مأجراها مقفوله راحت لصاحب  الشقه واول ما شفها افتكرها وقال ايه يا نسمه يا بنتى اخبارك ايه ماشوفتكيش من زمان 

نسمه:  والله ياحاج انا وقعت من السماء وانت استلقتنى

صاحب الشقه:  تقصدى ايه انا مش فاهم حاجه 

نسمه :اصل انا سبت الشغل اللى كنت شغاله فيه وسبت المكان اللى كنت قاعده فيه 

ولما كنت بدور على شغل ومكان اقعد فيه طلبوا منى البطاقه بس البطاقه ضاعت منى ومن وقتها وانا مش عارفه اعمل ايه

صاحب الشقه:طب وانا اقدر اساعدك ازاى 

نسمه :اكيد صورة البطاقه بتاعتى لسه عندك كنت عاوزاها

صاحب الشقه:مشعارف والله هلاقيها ولا لا بس اشوفهالك حاضر 

دخل يدور فى الاوراق وطلع بصندوق مليان أوراق وقال دورى هنا فى الورق ده لو مالقيتهاش هنا يبقى ضاعت

مسكت نسمه الصندوق وفضلت تدور يارب القيها وهى بتدور 

صاحب الشقه: انت مش عاوزاها عشان تأجري مكان تقعدى فيه ايه رايك يابنتى ترجعى تقعدى فى الشقه تانى وانا هصبر عليكى فى الايجار اهى بدل من قفلتها 

نسمه:بصت له بجد ياحاج ياريت دا انت تبقى عملت فيا معروف 

صاحب الشقه:اه بجد انت بنت برضو ولما أكسب فيكى ثواب اكيد ربنا هيردوا لي فى بناتى وهقولك على حاجه كمان انا هشوف ليكى شغل فى اى مكان انا حابيبي كتير ونفسهم يخدمونى 

نسمه قعدت ما كنها :وهى بتقول ياما انت كريم يارب ربنا يخليك ياحاج انت ما تعرفش انت شلت هم من على قلبي قد ايه ورجعت تكمل تدوير فى الصندوق وقالت وكمان لقيت صورة البطاقه 

صاحب الشقه:انتى لازم تروحى تعملى محضر بفقد البطاقه عشان ماحدش يستخدمها فى حاجه غلط ولازم تطلعى بدل فاقد قالت إن شاء الله بس هى الفلوس اللى معايا هتكفى ايه ولا ايه لما ربنا يفرجها هروح علطول 

وفعلا قعدت فى الشقه الصغيره اللى كانت قاعده فيها وبعدها بيومين صاحب الشقه قال ليها انه وجد ليها شغل وانه بكره هيخدها عشان يعرفها على صاحب الشغل اللى هتشتغل عنده وفعلا راحت واستلمت الشغل فى محل ملابس كبير وبدأت تستقر من جديد 

وبدأت تحن والشوق غلبها وقررت أنها تروح تشوف حازم فكانت من وقت للتانى تروح عند المحل وتقف بعيد على أمل أنها تشوفه لحد ما في مره راحت عند المحل وقفت تبص من بعيد ولقته قاعد كان نفسها تروح تتكلم معاه لانه كان واحشه اوى بس قالت وهو انا سبتهم واتحملت البهدلة دى كلها عشان ارجع بكل سهوله كده وراحت واخده نفسها وماشيه وقالت كفايه انى اشوفه واطمن عليه من بعيد كده 

وفى مره وهى واقفه تشوفه من بعيد زي ما اتعودت وهو كان فى المحل جاله حسام اخوه وهو بيبكى وحالته صعبه جدا وحازم قام وهو مفزوع وبيقول له فى ايه مالك اتكلم قال له حسام انه والده اتوفى مسك فيه وقال له وهو مش مصدق انت بتقول ايه حسام قال له جيت اصحيه مردش عليا وفجأت انه متوفى وجبت له دكتور والدكتور قال لى البقاء لله حازم بقى بيبكى بكاء هيستيرى وقدمه مش قادره تشيله 

ونسمه واقفه شايفه المنظر وهاين عليها تروح تاخد حازم فى حضنها وتوسيه بس ماقدرتش 

وحازم وحسام قفلوا وماشيوا وهى رجعت لشقتها بتبكى لبكاء حازم وحزنه وانها ما قدرتش تجري عليه توسيه كان نفسها تكون جنبه فى وقت صعب عليه زي ده وفضل المحل مقفول كام يوم وكل ما نسمه تروح تلقيه مقفول حاولت تروح عند البيت بس كانت بتفضل واقفه كتير من غير ما تشوفه وكانت ترجع .

ومرت الايام وشاب من المحل شغال معاها حاول يتقرب منها بس هى كان قلبها لسه مشغول بحازم رغم أنها عارفه انه بقى صعب يكون من نصيبها والشاب ده لما ما بقاش عارف يتكلم معاها راح وكلم واحده اسمها ريم من اللى شغاله معاهم كانت متصاحبه مع نسمه وقريبه منها وقال ليها انا كنت عاوز اتكلم مع نسمه وتعرف على بعض اكتر ما حدش عارف فين النصيب وهى رغم ان نسمه حكت ليها عن موضوع حازم الا أنها ما حبتش تصارح الشاب الا لما ترجع لنسمه الاول 

وقعدت تتكلم مع نسمه ان خالد اللى شغال معانا جه كلمنى انه عاوز يتعرف عليكى اكتر يمكن يكون فى نصيب ويبقى خير ان شاء الله 

نسمه قالت ليها ما انتى عارفه ياريم اللى فى قلبي وانا بصراحه عينى مش قادره تشوف غير حازم وقلبي مش عارف يحس بغيره

فقالت ليها صاحبتها بس انت قولتى لى انه خطب يعنى المفروض تنسي أمره خالص ايه مستنيه لما يتجوز 

نسمه والله مش بأيدى وانا عارفه ان الأمل معدوم بس هعمل ايه فى قلبي 

ريم صاحبتها :لا يانسمه انا مش معاكى مادام هو قلبه اختار غيرك وارتبط بيها المفروض كل شيء ينتهى عندك انتى كمان اللى انتى فيه انك بتعذبي نفسك على الفاضي انا من رأي تقعدى مع خالد زميلنا وتدي لنفسك فرصه يمكن لما تقعدوا مع بعض ترتاحى ليه زى ما هو مرتاح ليكى اسمعى منى يانسمه وما تضيعيش الفرصه دى من ايدك انتى يا بنتى وحدانيه ومحتاجه حد يكون بيحبك وجنبك ويكون سند وعون ليكى وانا شايفه ان خالد ده بيحبك ومناسب ليكى

نسمه:انا فاهمه وعارفه انك بتتكلمى صح بس 

ريم صاحبتها :مافيش بس انا هقوله انك موافقه انك تقعدى تتكلمى معاه خلاص وجت تقوم

نسمه مسكت ايدها لا مش قادره ياريم ادينى فرصه لحسن بجد مش قادره

ريم صاحبتها:خلاص برحتك بس انا مش عاجبني اللى انتى فيه ده بس هقول لخالد ايه طيب ما هو اكيد منتظر منى الرد

نسمه:قولى ليه اي حاجه انا عارفه بقى اتصرفي يا ريم

ريم:يابت اسمعى كلامى الواد حليوه وشكله بيحبك 

نسمه:يوو بقى ياريم 

ريم:انتى حره

ريم كلمت خالد بس ما قطعتش الأمل ليه وقالت له هى بس تعبانه شويه ونفسيتها تعبانه وطلبت منى نتكلم فى موضوع ده لما تبقى كويسه 

خالد قال ليها وانا برضو هصبر عليها ومش هفقد الأمل 

وخالد بقى من وقت للتانى يحاول يشغلها وينظر إليها ويحاول يفتح معاها اى كلام

ونسمه مش كرهاه وبدأت تتكلم معاه من وقت للتانى بس كلام عادى ومش مدياه فرصه يتكلم معاه فى حب وارتباط عشان هي 

  لسه قلبها مشغول عنه ومش عاوزه تظلمه 

وراح خالد كلم ريم تأتى وقال ليها انا مش قادر اصبر اكتر من كده انا عاوز اعرف هى مرتاحه ليا ولا لا انا كده مش فاهم حاجه 

لا هى رفضانى ولا هي عاوزه تدينا فرصه نقرب من بعض

ريم قالت له أصلها بصراحه كده مش عاوزه تظلمك معاها 

خالد:تظلمنى معاها ازاى

  

ريم:أصلها أصلها كانت بتحب حد وما حصلش نصيب وهى حاسه انها لسه متعلقه بيه 

خالد:اه فهمت على العموم انا بحبها ياريم ولو هى ناويه بجد أنها تنساه انا هتحمل واكون جنبها لحد ما اقدر انسيه ليها ومش هحاسبها طبعا على اللى فات  إنما لو هتفضل معلقه نفسها بيه على الفاضي يبقى كل شيء نصيب وانا عاوزك توصلي ليها الكلمتين  دول

ريم:حاضر هقولها

وقبل ما ريم تكلم نسمه حصل حاجه ماكنتش على البال 

ونسمه واقفه فى المحل بترجع ملابس زبون اتفرج عليها وسمعت صوت بيقولها بعد اذنك هو فى من ده الوان ايه لفت نسمه ترد عشان تتفاجىء باللى أمامها وجدت خلود اخت حازم وحسام 

خلود اخت حازم:مين نسمه  معقوله ايه يابنتى فينك احنا زعلانين منك خالص يانسمه بعد اللى عمله والدى واخواتي معاكى تسبينا فجأه كده وتمشي ليه طيب وكنتى فين 

نسمه:اهو زى ما انتى شايفه شغاله فى المحل هنا 

خلود:مشيتى وسبتينا ليه يانسمه هو كان حد زعلك فى حاجه سألت حازم وحسام قالوا مشيت من نفسها 

نسمه:البقاء لله عرفت ان الحاج عبد الرحيم والدك اتوفى الله يرحمه كان طيب ورحيم بولاد الناس ربنا يجزيه بالجنه يارب

خلود:يارب يانسمه ربنا يرحمه بس انتى عرفتى ازاى 

نسمه :عرفت بالصدفه كنت معديه من أمام المتجر من فتره وكان المتجر مقفول ومكتوب عليه ان الحاج اتوفى والله زعلت اوى وبكيت عليه كتير كان زي والدي الله يرحمه لمنى من الشارع من غير ما يعرف عنى اوعى اصلى حاجه 

خلود:دا لما فاق من التعب وعرف انك مشيتى زعل اوى وكان قلقان عليكى كأنك بنته الله يرحمه 

نسمه لسه هتسألها عن اخبار حازم 

تليفون خلود رن بصت فى التليفون وجدت زوجها هو اللى بيرن فافتكرت انه بيستعجلها عشان رايحين مشوار مع بعض 

خلود:طب  انا هبقى اعدى اعليكى وقت تانى نتكلم بس انا كنت معاديه ولفت نظرى البنطلون ده قولت اشوفه رغم انى كنت مستعجله بس  يالا عشان اشوفك فعلا اللقى نصيب 

نسمه :طب والبنطلون مش عاوزاه 

خلود:هبقى اجى ليه مره تانيه سلام

ريم وجدت نسمه سرحانه بعد ما خلود ما مشيت راحت عليها

ايه مالك متنحه كده ليه فى حاجه ولا ايه

نسمه:تعرفى مين اللى كانت واقفه معايا دي 

ريم:مين

نسمه:خلود 

ريم:ايوه خلود مين

نسمه:خلود اخت حازم وحسام

ريم:بجد وطبعا هتروح تقول لحازم وحسام انك هنا

نسمه:اكيد .مش عارفه اعمل ايه لو حد منهم جه هنا ليا انا بفكر امشي من هنا 

ريم:انتى يابنتى اتجننتى تمشي فين وبعدين عينى فى عينك كده بذمتك انتى مش مبسوطه انهم هيعرفوا مكانك وكمان كده احسن عشان لو كان سي حازم ده باقى عليكى هيجيلك ولو لا يبقى مش هيجى ويبقى خلصنا من حدوتك دى وتشوفى حالك بقى وبلا حب بلا وجع قلب

نسمه:تفتكرى هو ده الحل

ريم:هو مافيش غير كده ايه هو انتى عامله عامله عشان تهربى وتمشي 

نسمه :عندك حق 

فضلت نسمه فى المحل وعنيها دائما على الباب وكأنها تنتظر دخول حازم عليها فى اى وقت فكلما تحس باقتراب اى شخص لباب تعلو دقات قلبها وتعود لعادتها طما كانت عندما تعرف بأن الشحص ليس بحازم وظلت هكذا يوم والثاني والثالث فلم يأتى ومرت الايام وطال الانتظار ولم يأتى وبدأت تيأس من حضوره وقالت ريم كان عندها حق هو قلبه اختار وفعلا الدور على انا لاختار حياتى وادوس على قلبي 

جائت لها ريم وقالت لها يعنى البيه بتاعك ولا سأل ولا حتى قال اجى اسلم عليها او اشوفها 

وانتى اللى مافيش على لسانك معايا الا سيرته ممكن بقى تفوقى لنفسك خالد بدء ييأس من امرك وبدء يقل سؤله عن قرارك ايه هستتنى لما تلاقيه هو كمان راح خطب واحد غيرك لما ييأس منك 

بصت نسمه ليها وقالت لا خلاص انا هقعد واتكلم معاه زي ما هو عاوز 

ريم:ايوه كده انا رايحه افرحه

راحت ريم لخالد وقالت له انا قولتلها كل اللى قولته لى اقوله ليها وهى خلاص ناويه تنسى اللى فات وتركز مع اللى جى ووفقة انكم تقعدوا مع بعض وتتكلموا 

خالد:بجد ياريم هى قالت ليكي كده

ريم:ايوه امال انا جيت اقولك ليه بهزر يعنى 

خالد :خلاص بصي مش هينفع نتكلم مع بعض هنا فى المحل و احنا بكره اجازتنا اناعزمكم على غداء بكره  انتى ونسمه فى اى مطعم تختاروه بس بقولك ايه ياريم عاوزك تبقي تسيبينا نتكلم وحدنا شويه انتى فاهمه بقى تمام

ريم:خلاص تمام انا هقول ليها

وفعلا راحوا نسمه وريم مع خالد وبعد الغداء ريم سابتهم يقعدوا يتكلموا مع بعض شويه ونسمه ارتاحت ليه وحست انه شخص محترم وراجل وكويس وبدأت تتجاوب معاه محاولة تتناسى حازم 

وظل الأمر هكذا حتى يوم تفاجأت نسمه بحسام واقف أمامها 

وبيقول ليها رحتي فين يانسمه ومشيتى ليه احنا دورنا عليكى فى كل مكان 

نسمه:وانت مش عارف ايه اللى مشانى ياحسام 

حسام بص فى الأرض: انا عارف انى غلطت بس صدقينى ندمت وعرفت غلطتى وفضلت ادور عليكى عشان اتأسف ليكى واعتذرلك بس انتى اختفيتى مره واحده

نسمه:يعنى كنت عاوزني افضل بينكم ازاى وانا كنت سبب كل  المشاكل اللى بتحصل بينكم وبين بعض كان لازم انسحب فى هدوء واديني انسحبت عشان معملش ليك مشاكل مع والدك ولا مشاكل لحازم مع خطيبته

حسام لسه هيتكلم لا حد جى عليه وماسك فيه وبيقول انت مالك وماله انت بتعاكس ولا ايه بيلف حسام وبيمسك فيه وانت مالك انت انت مين اصلا خالد قال له انا خطيبها ممكن اعرف انت اللى مين وتقرب ليها ايه عشان تقف تكلمها فى وسط المحل كده 

حسام:خطيبها 

خالد :اه خطيبها

حسام بص لنسمه وجدها ما بتنكرش كلامها راح سابها وخرج من المحل ومشي 

نسمه طلعه وراه عشان تلحقه خالد مسكها من ايدها مين ده وازاى تقفي معاه كده وعاوز منك ايه شدت ايدها منه وجريت تشوف حسام بس كان مشي رجعت وهى بتبكى وبتقول فى بالها اكيد هيقول لحازم انى اتخطبت انا لازم اروح ليهم ورجعت طب وهو حازم مجاش معاه ليه وخالد عمال يكلم فيها بس هى سرحانه وبتكلم نفسها خالد قال يبقى اكيد ده اللى كانت بتحبه قبلي والظاهر ان مافيش فايده وراح سابها وراح على ريم وقال ليها قولى لصحبتك انه كل شيء نصيب مش ده حبيب القلب الاولاني ريم باين والله واعلم راح سبها وراح على القسم اللى واقف فيه فى المحل

ونسمه مش حاسه بخالد خالص وكل اللى بتفكر فيه اروح ليهم وافهم حازم ولا ما هو اصلا ما جاش مع حسام وده معناه انى ما اهمهوش فى حاجه بس معقوله حازم عرف انى هنا وما كلفش نفسه يجى يشوفني بس ده مش من طبع حازم دا حازم كان حنين ولطيف اوى معايا وكان بيخاف على زعلى وكان بيوقف معايا فى كل كبيره وصغيره اكيد ف  حاجه غلط 

ما بقتش قادره ما ترحش وفى نفس الوقت كرمتها مش سامحلها 

فضلت تروح عند المحل وتقف من بعيد على اساس تشوف حازم يمكن يجلها الشجاعه وتروح له وتكلمه بس الغريبه ان حازم ما كنش بيروح المحل وماكنتش بتشوفه خالص وكانت محرجه تروح ليه البيت 

  

لحد ما مره ماقدرتش تمسك نفسها ولقت نفسها رايحه على حسام وبتسأله امال حازم فين فقال ليها وانتى عاوزه حازم ليه انتى مش اتخطبتى سبيه يشوف حياته هو كمان وينسى حبك زي ما انتى نسيتى ولا كلامك عن حبك ليه فى الجواب اللى سبتيه كان مجرد كلام

نسمه:ينسى حبي هو كان حبني امتى عشان ينسى حبى وكلامى اللى فى الجواب انا حسه كل كلمه قولتها ولسه لحد دلوقتى 

حسام: انتى ما تعرفيش من بعد ماشيتى وهو اتقلب حاله ازاى كأنه حبك فى قلبه ظهر فجأه ومبقاش طايق حد وبقى بيدور عليكى فى كل حته كلامك فى الجواب اللى سبتيه قلب كيانه خلى احساسه اللى كان مكتوم جواه اخترق الشرنقه اللى اتولد بداخلها وخرج للدنيا بس بعد ايه بعد ما سبتيه بس اقولك على حاجه هى الدنيا كده ماحدش بيعرف قيمة الحاجه اللى فى ايده الا بعد ما تروح منه وانتى كمان ماصدقتى ونستيه ودورتي على غيره 

نسمه:انت بتلوم عليا انت كنت عاوزني اعمل ايه بعد كل اللى حصل منك ولانسيت اللى كنت عاوز تعمله ولا هو اللى راح خطب واختار غيري وبقيت انا عاملة زى العزول فى وسطيهم تفتكر كنت هفضل ليه وعشان ايه دلوقتي انا سبته وخنته طب هو فين ما جاش شافني ليه واتكلم معايا لو بيحبنى زى ما بتقول

حسام:ما انا جتلك اهو وكنت جى اطلب منك تسامحيني وتقبلينى اخ ليكى واقولك ان حازم محتاج ليكى 

نسمه:بعتك ليه وهو ماجاش بنفسه ليه لازم يبعت مندوب عنه ولا مستكبر اكمنى بنت غلبانه هو ده جبه اللى بتكلمنى عليه 

حسام:حازم راقد فى المستشفى 

و هو كان عاوز يستنى لما يشوف هيرجع يقف على رجله تانى ولا لا عشان ما يكونش موافقتك على الارتباط بيه شفقه ويخليكى فى احراج انك ترفضي ارتباطك بشخص ممكن يبقى عاجز باقي عمره

نسمه:ايه راقد فى المستشفى ليه ماله وايه حكاية انه يكون عاجز دى

حسام:من وقت ما انتى مشيتى وسبتيه وقرا الجواب بتاعك وعرف انك كنتى بتحبيه بالشكل ده وهو كان زى الأعمى وكأنه ماكنش شايف حبه ليكى وكلامك و سيبانك ليه كانوا زى الكف اللى نزل على وجه وفوقه بقى تايه طول الوقت وبيفكر فيكى حتى خطيبته اهملها وبقى محتار ومشاعره متلخبطه وخطيبته حست بكده وبدأت المشاكل بنهم تظهر وتزيد وهو نفسه مابقاش عارف هو عاوز ايه كمان سأت نفسيته زياده بعد وفاة والدنا لحد ما فى يوم وهو ماشي مش عارف كان سرحان ولا ايه سياره جيه بسرعه صدمته والاسعاف نقلته فى حاله خطيره والدكتور وقتها بعد ما حالته استقرت قال انه هيبقى كويس بس هيحتاج عمليه عشان يقدر يقف على رجليه تانى ونسبة نجاح العمليه قليل ومن وقتها حالته النفسيه زادت سوء وخطيبته لما حست اهماله ليها وزاد عليه انها سمعت كلام الدكتور انه احتمال ما يقفش على رجليه تانى سابته وبطلت تروح ليه وبعدها بكام يوم بعتت ليه دبلته وهو ما بيلمش عليها لانه هو اللى بدء بأهمالها من الاول وفضل على كده لحد ما خلود اختى فى زياره ليه قالت لينا انها شافتك فى محل ملابس وهو اول ما عرف نبه علينا أن ماحدش يقولك على اللى حصله بس انا حسيت ان لما تعرفى وتقفي جنبه هيساعده على الشفاء اسرع بس واضح انى اخدت القرار الغلط 

فياريت معلشي ترجعى مكان ما جيتى عشان ينساكى زى ما نستيه ويشوف حياته هو كمان

نسمه:وانت حكمت على قلبي من نفسك كده انه نسي خلاص

هى الحكايه بالسهوله دى

حسام:امال ارتباطك بحد تانى ده افسره ايه

نسمه:تفسره يأس انا من بعد ما اختك خلود عرفت بمكان وجودى وانا كنت منتظره كل لحظه بتعدى عليا بعدها ان القى حازم داخل عليا لما قلبي اتحطم انه لا سأل فيا ولا عبرني واتوهمت انى اصلا مش على باله وان انا اللى عايشه فى وهم وتعبه قلبي معايا فأخدت قرار ان ارتبط بأول انسان خبط على بابى قرار انتقام من نفسي انى كنت معلقه قلبى على وهم إنما اللى فى قلبي ليه زى ما هو والدليل انى جيت ليك اسأل عنه انا عاوزه اعرف فين المستشفى اللى حازم فيها 

حسام:طب مش تفكرى الاول ما تنسيش انك مرتبطه بشخص تانى وكمان حازم زى ما قولت ليكى احتمال كبير لا قدر الله ما يقفش على رجله تانى

نسمه:بقولك فين المستشفى دى ياحسام 

حسام: هتروحى ليه امتى 

نسمه:دلوقتى حالا 

حسام :طب استنى انا كنت رايح له كده كده هقفل ونروح ليه مع بعض

قفل حسام المحل وقال يالا

حسام: مش تدى نفسك فرصه تفكرى 

نسمه:أدى لنفسي فرصه افكر فى ايه فى حاجه كنت بتمناها وماصدقت ان ربنا بعتهالى انا بحب حازم ياحسام بحبه عارف يعنى ايه بحبه 

حسام:يابخته عم حازم ده امه دعيه له 

نسمه:ادعى ليه انت بس ربنا يقومه لينا بالسلامه 

اول ما وصلوا المستشفى 

حسام :بقولك ايه سبينى ادخل له انت الاول عشان اسمعك هو بيحبك ولا لا وانتى استني خلف باب الغرفه عشان تسمعى وانا هسيب الباب موارب 

دخل حسام لحازم ازيك ياحازم اخبارك ايه النهارده

حازم :الحمدلله على كل شيء 

حسام :انا عارف دواك سبني اجبهولك 

حازم:احنا اتكلمنا فى الموضوع ده قبل كده ياحسام 

حسام:يابنى سبني اروح لنسمه واقولها وهى تختار انت بتحكم على نفسك ليه بكده مادام بتحبها 

حازم:حسام انت ترضى ان اللى تتجوز اخوك تتجوزه عطف عليه انه بقى ...وراح ساكت 

حسام:بس انت عارف ان نسمه بتحبك وهى اعترفت بكده بنفسها وانت بتحبها يبقى ليه لا

حازم:انا ماقدرش اشوف نظرة الصعبانيه عليا فى عنيها وتفكر تضحى بساعدتها وحياتها مع واحد عاجز 

نسمه دفعت الباب أضحى بحياتى وساعدتى ازاى وانا معاك وانت اللى حياتى وانت ساعدتى انت ازاى تفكر التفكير ده دا انا كان كل منايه فى الدنيا اسمع منك انك بتحبنى هى دى ساعدتى وحياتى فعلا 

حازم:نسمه كده ياحسام عملتها ورحت ليها 

نسمه :لا انا اللى رحت ليه عشان اسأل عنك واعرف ازاى ماحاولتش تيجى تشوفني وتسأل عنى ايه ما وحشتكش

حازم بص لقدمه وقال اه ماوحشتنيش

نسمه:اه ما انا عرفت السبب يابايخ بس حتى لو رجلك تعباك بقى ده سبب يحوشك عنى على العموم ياسيدى انا هبقى رجلك وايدك وعينك وكمان ان شاء الله بكره تعمل العمليه وتبقى زى الفل وكلمة عاجز دى مش عاوزه اسمعها منك تانى خلاص 

حازم:خلاص بس انا خايف اكون حمل عليكى يانسمه ويجى يوم تضيقى منى وتكرهيني وتكرهى عيشتى

نسمه :يابنى انا بحبك افهم بقى والله بحبك

حازم:وانا كمان بحبك يانسمه

نسمه:اخيرا قولتها وسمعتها منك 

حازم:ممكن بقى تسيبي المحل اللى انتى واقفه فيه وترجعي لمحلك 

نسمه:ومش بس كده وهرجع لشقتى عندكم عشان اكون جنبك ولا أجرتها 

ضحك حازم شقة ايه بكره يبقى بيتك ولا انتى رجعتى فى كلامك 

ضحكت نسمه وقالت اه رجعت فى كلامى انت اصلا طلبت ايدى من ولى امرى 

حازم ومين ولى امرك انشاء الله حطت ايدها على كتف حسام اخويا حسام 

حسام ضحك وقال اه صحيح انت طلبت ايدها منى 

حازم :طب ياسيدى انا طالب ايد نسمه منك

حسام :وانا مش موافق

نسمه ضربت حسام على ظهره بس انا موافقه ومش هتزوج غيره

حسام:خلاص خلاص موافق

ورجعت نسمه لخالد وقالت له كل شيء نصيب انا اسفه ياخالد قلبي مش بأيدى سامحنى وسابت المحل والشقه ورجعت لحازم وفضلت معاه ليل ونهار لحد ما جه يوم العمليه ودخل حازم العمليات ونسمه وحسام قاعدين بره ميتين من القلق لحد ما الدكتور طلع وقال ليهم مبروك العمليه الحمدلله نجحت وان شاء الله هيقدر يقف على رجليه تانى الف مبروك بس هو هيحتاج فترة علاج طبيعي وصبر شويه نسمه بقت هتطير من الفرحه وحسام بقى بيجرى فى طرقة المستشفى من الفرحه 

وبعد ما فاق حازم دخلت عليه نسمه وقالت له ألف مبروك ياحبيبي انا مش قولتلك بكره هتبقى كويس ان شاء الله ودخل حسام حمدلله على السلامه ياعريس شد حيلك بقى عشان انا ناوى اجهزلك فرح محصلش قبل كده مش انا والى أمركم 

حازم: يابنى انا اخوك الكبير مش انت 

حسام:ولو 

حازم:ماشي ياعم ربنا يخليك ليا انت وخلود

نسمه:طب وانا كده نستنى 

حازم:انت انا ياحبيبي لو مافيش نسمه يبقى مافيش حازم اصلا

حسام :الله الله ايه الكلام الحلو ده دا انت غلبتني 

واتكتب لحازم على خروج وبدأ العلاج الطبيعي ومع الوقت ووقفت نسمه مع حازم بدا حازم شويه شويه يقف على رجله من تانى ويمشي عليها 

وحسام وفى بوعده جهز ليهم فرح فى الوقت اللى حددوه بعد ما حازم بقى بيقدر يمشي على رجله واتحسن كتير 

وجه ميعاد الفرح وعزمت نسمه ريم صاحبتها فى المحل وصاحب الشقه اللى كانت قاعده فيها على فرحها وبدأ الفرح وحسام قوم حازم ونسمه عشان يرقصوا وراحت ريم وخلود وحسام يلفوا حوالين حازم ونسمه وهما بيرقصوا وقرب حسام منهم وبيقول لنسمه صحبتك البنت الحلوه اللى جنب خلود دى نسمه قالت تقصد ريم اه حسام هى اسمها ريم وهى ريم فعلا بقولك يانسمه ما تجبيها تشتغل عندنا يمكن احبها 

حازم قاله انت مافيش فايده فيك ابدا

حسام ايه ياعم بقولك احبها واتزوجها ولا هو الحب ليك انت بس 

حازم مادام زواج ماشي والفرح على حسابي ياسيدى واتجمعوا كلهم واخدوا صوره .وانتهت قصة نسمه هتوحشوها ياترى هى كمان هتوحشكم وعجبتكم قصتها ولا لا هى عاوزه تعرف بتعليقتكم لو حابب تقرأ روايه جديده اضغط هنا