الثانى قصة (نسمه على الطريق)

 

نسمه:حرام عليك وهتستفاد ايه من رميتى فى الشارع 

دخل عليهم الحاج السلام عليكم 

نسمه عليكم السلام ياحاج

حسام :عليكم السلام كنت عاوزك ياحاج 

وهو بيبص لنسمه 

الحاج:خير ياحسام 

حسام:معلش عاوزك خمسه جوه بس 

الحاج:ماشي ياحسام تعالى عن اذنك يانسمه يابنتى 

نسمه:اتفضل ياحاج

دخل حسام والحاج وفضلت نسمه واقفه وبتقول لنفسها وبعدين فى الورطه دى هو انا ناقصه هعمل ايه دلوقتى لو حسام اقنع الحاج يمشينى هو يعني هيغلب فى انه يجد  اى حجه يقنع الحاج يمشينى عشنها وهي لسه بتفكر لقتهم طلعوا من جوه والحاج بيقول  ام انت ياحسام عليك شوية حاجات يعنى خلاص 

عارفه يانسمه كان عاوزني فى ايه 

نسمه بعلت ريقها وقالت وانا هعرف منين ياحاج يارب يكون خير

الحاج:قال ايه عاوز فلوس ومحرج يتكلم أمامك قال ايه بيتحرج قال 

حسام :فى ايه يا حاج مش كده تحرجنى أمامها كده 

نسمه:ربنا يخليك ليهم ياحاج 

الحاج:يابنى ايه محرج تطلب منى فلوس أمامها دى زي نها اختك وبعدين ايه كبرت عليا انت في عينى لسه حسام الطفل الصغير الشقى مهما تكبر 

حسام:انا هكبر عليك برضو ياحاج ربنا يحفظك لينا يارب دا انت الخير والبركة 

الحاج:اه هو كده ديما لما يكون عاوز حاجه من صغره لازم شوية البكش دول

حسام:خلاص ياحاج انت سوأة صورتى أمام نسمه 

الحاج:خلاص مش هتكلم ياسيدى انا هروح البيت اريح شويه ما تسبش نسمه لوحدها عشان لسه ما تعرفش توقف لوحدها

حسام:اسابها لوحده دا كلام ماقدرش طبعا اسبها ياحاج اتفضل انت ياحاج اتفضل 

مشي الحاج وراح حسام بص لنسمه وقال قلبى الطيب ده مش عارف اعمل معاه ايه انا ماردتش اعمل اللى قولتلك عليه قولت اديها فرصه ياواد واكيد هي عاقله وهتوزنها كويس 

نسمه :قعدت على الكرسي ومردتش عليه 

حسام:وكمان ما بترديش طب قومى معايا على المخزن عشان اعرفك الأصناف وافهمك الشغل لما اشوف هتفتحى مخك معايا ولا هيفضل مقفل كده 

نسمه فى خوف وتردد :طب خلينا فى الحاجه اللى هنا عشان ما نسبش المكان بره لوحده ولما الحاج او ا.حازم يجى نبقى ندخل نشوف الأصناف اللى جوه 

حسام :لا ما تقلقيش على المكان بره محدش يقدر يقرب من اى حاجه اصل انتى ماتعرفيش مين الحاج عبد الرحيم وأولاده يالا قومى قومى ولا اقول للحاج انك مش بتاعت شغل وانك انسانه دلوعه ولعبيه 

نسمه:يالا انا معاك فى اي شغل طبعا  اتفضل حضرتك

حسام:ادخلى انا وراكى اهو وهو عينه عليها 

نسمه:معلش اتفضل حضرتك الاول اصل انا معرفش المكان كويس

دخل حسام وخلفه نسمه 

وراح واقف ولف ليها فجأه اتفزعت نسمه ورجعت للخلف وكانت خارجه 

ضحك حسام ضحكه سخريه 

حسام:ايه يابنتى الرعب اللى انتى فيه هو انا لسه عملت حاجه ولا حتى اتكلمت 

نسمه حاولت تتماسك رغم أنها مرعوبه :وانا هترهب من ايه عادى اتفضل اشرح لى ولفت تنظر الى بعض الأصناف وامسكت احداها  ها ايه اسم  الصنف ده ومسكت اخر وايه ده راح ماسك ايدها وقال ليها حيلك حيلك وحده وحده وهى من الخضه انه مسك ايدها سحبت ايدها بسرعه راح الصنف اللى كانت مسكاه وقع واتفرض كله على الأرض 

حسام:بغضب يانهارك ابيض انت عارفه اللى وقعتيه ده دا الجرام منه بمائة جنيه 

نسمه وضت تلم فيه وهى مخضوضه وخايفه وبتبكي انا ماقصدش والله حضرتك اللى مسكت ايدي انا اسفه وفضلت تبكي وتلم فيه راح حسام انحنى هو أيضا وتظاهر بأنه يساعدها فى لم الصنف الذي سقط وراح ماسك ايدها وهو يقول ولا يهمك فتحى انتى بس مخك معايا واعتبرى مافيش اى حاجه حصلت وهقول انى انا اللى وقعتهم وحاول يقرب منها اكتر قامت وقفت وشدت ايدها وقالت له حرام عليك انا مش ناقصه ارحمنى بقى وسبني اكل عيش ايه دا انت حتى ليك اخت زى راح مادد ايده بكل برود وقال وفى اخت تزعق فى اخوها كده تعالى صالحى اخوكى عشان مايزعلش منك  راحت زقاه و سيباه وخرجت على بره وهى تبكي وحسام خرج ورائها وهو يقول الظاهر مافيش فايده فيكى 

خرجت وقعدت على الكرسي وفضلت تبكي 

حسام قعد على الكرسي التانى طي وبعدين هتعملى ايه فى الحاجه اللى وقعتيها الحاج لما يعرف هيبهدلك دا ان مكانش مشاكي 

فضلت نسمه تبكي واتخنقت وزعقت فيه انت عاوز ايه منى حرام عليك 

راح حسام لا بقولك ايه وطى صوتك وبلاش نكد وعياط الناس هتاخد بالها بلاش فضايح 

نسمه:انا اللى هعمل الفضايح برضو وبتسمي اللى بتعمله انت ايه ستر على بنات الناس 

حسام:دا انتى كئيبه يابت انتى بس برضو عجبانى ايه هتسيبي اللى الحاجه اللى واقعه جوه دى كده زي ما هيا وياترى هتقولى ايه للحج 

نسمه مردتش عليه وبقت تفكر ياترى لو قولت الحقيقه للحاج هيصدقنى ويدافع عنى ولا هيكدبني وهيقول عليا بنت ملاوعه ولا يخاف من المشاكل ويقول اشيل ده من ده تستريح ويمشينى اعمل ايه بس ياربي هو انا لحقت من اول يوم كده هعمل ايه بس ايه وجع القلب ده  وحطت وجهها بين كفاها وظلت تبكى 

حسام :يوه على النكد لابقولك ايه بتعرفي تعملى شاى ولا خايبه فى دي كمان قومى اعملى لى كوباية شاي لحسن انتى قليتى مزاجى 

نسمه:قامت فين الحاجه اللى هعمل بيها شاى 

حسام:بخنقه أمامك اهى انت كمان ما بتشوفيش 

نسمه:الله يا سامحك 

حسام:ايوه اتمسكني يابت اتمسكني دا انتى مياه من تحت تبن 

نسمه:انا حرام عليك دا انا اغلب من الغلب بس سبني انت فى حالى خلينى اكل عيش ربنا ما يحوجك حوجتى 

حسام:خلاص اسكتى دا انتى كئيبه ياساتر اعملى الشاى وانتى ساكته 

عملت الشاى وراحت وضعته على الكونتر اللى أمامه 

حسام:مافيش اتفضل ولا اى كلمه زوق كده 

نسمه:هو مش حضرتك اللى قولت لى اسكتى 

حسام:ماهو من عميلك 

نسمه:عمايلى انا برضو 

شويه وحازم جه السلام عليكم 

نسمه :عليكم السلام بنبره حزينه 

حازم بص عليها وحس أنها كانت بتبكي :مالك يانسمه فى حاجه ولا ايه انت كنتى بتبكي من حاجه 

حسام :أصلها خايفه 

حازم :خايفه من ايه 

حسام ياعم بقولك دى ساكنه فى الشارع

نسمه اصل والدى لسه متوفى وكان عليه ديون وأصحاب الديون جم اخدوا كل حاجه حتى المكان اللى كان ساترنى ولقيت نفسي فى الشارع 

حسام :مش قولتلك

حازم:اسكت بقى ياحسام اى حد فينا متعرض لكده معلش يانسمه ربنا يعوض عليكى انا اعرف سمسار ممكن يوفرلك غرفه قريبه من هنا ومتشليش هم الإيجار انا هتحمله لحد ما تقدري تدفعيه من شغلك معانا 

نسمه :متشكره لحضرتك ربنا يسترها عليك يارب 

حسام:ايه الدلع دا كله ياسي حازم وبعدين فى طيبة القلب دى انت بتقطع علينا ولا ايه 

حازم:يا ابنى انت ايه دماغك دى مافيش عقل خالص

حسام:سبنالك العقل ياسيدى 

حازم:هروح اقضى حاجه كده وبالمرة اعدى على السمسار نشوف موضوع المكان اللى هتقعدى فيه 

نسمه هاين عليها تقول لحازم خدنى معاك مش عاوزه تقعد مع حسام لوحدهم 

مشي حازم وفضل حسام يعرفها الأسعار واسامى الحاجه اللى فى المحل من الوجهه وازاى تسجل سواء المبيعات او المشتريات ويعرفها بعض الاستخدامات لبعض الأصناف واخر النهار كان حازم اتفق مع السمسار على مكان تقعد فيه نسمه وأجره ورجع عدى على نسمه فى المحل وقال ليه ساعه وهرجع اوديكى على المكان اللى هتقعدى فيه اصل والدى اتصل عليا وقال لى تعالا عاوزك فعشان متأخرش عليه هروح ليه اشوفه عاوز ايه وهرجع اخدك 

حسام:طب ما تعرفني فين المكان ده واوديها انا 

نسمه بسرعه لا انا عاوزه اقعد شويه اتفضل حضرتك وانا هنتظر حضرتك وقت ما تيجى نمشي 

حسام:ايه وانا كخه يعنى 

حازم:فهم انها مش عاوزه حسام يروح معاها المسكن 

فقال خلاص انا مش هتأخر عليكى سلام

راح حازم لولده وقال له انا قولت اتكلم معاك انت ياحازم عشان انت اللى عاقل فى اخواتك 

حازم:خير يا حاج 

الحاج :بقولك ايه انت عارف طبعا الغرفه اللى فوق اللى عملنها مخزن للحاجات اللى ما بنستخدمهاش ا

حازم:اه مالها ياحاج 

الحاج :ايه رايك نقعد نسمه فيها دى بنت شكلها غلبانه وتستاهل المساعده واهو كله بثوابه 

حازم:هى كويسه وواسعه وفيها كل اللى ممكن تحتاجه من حمام ومطبخ وقاعده كمان ما دى كانت من تصمميك ياحاج بس...

الحاج؛ايوه انا قولت اكلمك عشان بس دى انك ممكن تكون شايف حاجه انا مش واخد بالي منها 

حازم:لا ابدا أصلها متبهدله دلوقتى خالص وعاوزه تظبيط وترويق كتير وكمان..

الحاج: يابنى قول اللى عاوز تقوله 

حازم:وانا بصراحه ما اضمنش حازم لحسن الشيطان يوزه فى يوم ويغفلنا ويطلع ليها واحنا مش هنا ولا حاجه وانت فاهم بقى ياحاج

الحاج :لا يا ابنى حسام مش أخلاقه مش بايظه اوى للدرجه دى 

وبعدين ليه تظن فى اخوك الظن ده هو حصل حاجه منه خلتك تقول عليه كده

حازم كان هيتكلم خاف اخوه يزعل ويقول إنه بيوقع بينه وبين ابوه وخصوصا انه ماشفش حاجه حصلت كله ظن وكلام حسام بيقوله وكمان خاف لحسن الحاج يخاف من وجود نسمه معاه ويكون قراره انه يمشيه والبنت غلبانه وملهاش ذنب 

حازم:لا ابدا هيكون حصل ايه انا بس بقول اللى ممكن يحصل يعنى ما لازم نعمل حساب لكل حاجه ولا ايه ياحاج 

الحاج:اه طبعا بس مش لدرجة انك تظن فى اخوك الظن ده انا شايف ان ده انسب حل ليها بدل قعدتها فى اى مكان لوحدها ممكن يعرضها لمشاكل ومضايقات مهما كان دى بنت برضو وقعدتها لوحدها تطمع الناس فيها وكمان اهو الواحد يبقى يكسب فيها ثواب كل يوم ويخدها معاه للمحل ولا ايه 

حازم:لما وجد ان الحاج مصمم قال اللى تشوفه ياحاج الرأى رايك 

بس انا كنت اتفقت مع سمسار على غرفه وكنت وخدها دلوقتى ليها 

الحاج:طب وفيها ايه وديها هناك تقعد كام يوم لحد ما نشوف هنعمل ايه فى الحاجه اللى فى الغرفه اللى فوق واجيب حد يوضبها ويجهزها للمعيشه 

حازم:خلاص تمام هروح انا بقى ياحاج اخدها واوديها للغرفة التانيه 

رجع حازم واخد نسمه وهما ماشين عدى على سوبر ماركة اشترى شوية بضائع وخرج واتجهوا للسكن ودخلوا وسألها ها ايه رايك هى صغيره بس مناسبه ليكى وتقضى الغرض ووضع الحاجه اللى اشتراها وهو بيتكلم على تربيزه فى المكان وقال ليها طبعا هى متبهدله عشان ما كنش حد قاعد فيها والبنات ما تتوصاش فى التنظيف والتوضيب وراح مطلع مبلغ من جيبه ووضعوا على الترابيزه وقال ليها المبلغ ده عشان لو فى اى أغراض ممكن تحتاجيها فى المطبخ او لأى لزوم فقالت له لا كده كتير بلاش الفلوس كفايه اللى عملته معايا ده كله فقال ياستي اعتبريهم سلف وابقي رديهم من قبضك يالا سلام بكره بدرى تيجى عشان احنا بنفتح بدري وراح على الباب فأخدت الأكياس وقالت له حضرتك نسيت الحاجه اللى اشتريتها فقال حاجة ايه راحت عليه وقالت الأكياس دي فقال حازم لا دى حطيها فى الثلاجه اكيد هتكون فاضيه عشان لو حبيتى تتعشي او تفطرى الصبح تلاقي حاجه تفطرى بيها فقالت ما حضرتك سبت لي فلوس ايه لازمة ده كله فقال لا الفلوس لأى حاجه ناقصه من اى أدوات هتستخدميها 

قالت نسمه انا مش لاقيه كلام اقوله لحضرتك بجد انت ونعمه الأخ 

حازم:يلا سلام

قفلت نسمه الباب ورا حازم وقالت ياه معقوله هيتقفل عليا باب تانى الحمدلله فعلا ربنا ما بينساش حد انا مش عارفه لولا انى قبلت الحاج كنت هبات فى الشارع ازاى وكنت هروح فين او هعمل ايه مش قادره أتصور الحمدلله بس ربنا يستر من حسام اللى طلعى فى البخت ده بس يالا ربنا يقدرني عليه واهو زى ما في حسام فى برضو حازم شخص محترم وراجل وبصت للشقه ايه منظر التراب والبهدله دى دا انا مش قادره اقف على رجلى بس يالا ما انا مش هينفع انام فى المنظر ده وبدأت تروق وتنظف لحد ما وصلت لمكان النوم واول ما روقت المكان ويدوب نظفت السرير وريحت ظهرها عليه غفلت عنيها وما صحتش غير الصبح قامت بسرعه لما افتكرت ان حازم قال ليها تيجى بدري مش عاوزه تبان أمامه انها كسلانه ومهمله اخدت شاور بسرعه واخدت حاجه من اللى جبهالها امبارح اكلتها وهى ماشيه

وصلت المحل وجدت الحاج بيفتح صبحت عليه وقالت له عنك يا حاج فتحت باب المتجر وقالت له اتفضل ادخل اقعد يا حاج وانا هوضب الوجهه على قدر معرفتى 

الحاج:حظك بقى يابنتى ديما حازم او حسام بيجوا معايا يفتحوا قبل ما يمشوا على الجامعه بس صحيت لقيت حسام مشي من بدرى مش عارف مشي بدرى ليه الواد ده هيجننى عليه تصرفات مش طبيعيه 

نسمه:الشباب بقى ياحاج 

الحاج:طب ما حازم شباب وعمره ما اتصرف تصرفاته دى 

نسمه :حازم لا حازم شاب عاقل وقليل تلاقى زيه كده الشباب اليومين دول كلهم شبه حسام إنما حازم ده حاجه كده من القليلين امال هو فين صحيح ما جاش فتح مع حضرتك ليه

الحاج:استاءذنى عشان قام متأخر وعنده محاضره بدري فقولت له روح انت يا ابنى شوف مصلحتك وبعدين انا طول عمرى قبل ما يكبروا انا اللى بفتح 

نسمه:ربنا يديك الصحه ياحاج ويحفظك ليهم ويحفظهم ليك

وفضلوا يتكلموا وهى بتوضب الوجهه وهو قاعد بيوجها دى تضعيها هنا ودى ترصيها كده لما كله بقى تمام 

الحاج بعد ما نسمه خلصت:تعالى يانسمه هاتى كرسي واقعدى جنبى هنا واحكيلى بقى ايه اللى كان مقعدك على الطريق كده وليه كنتى بتبكى 

نسمه فى بالها هقولك ايه بس ياحاج هقولك ان والدى كان ناصب على البلد كلها عشان تخاف منى انت كمان فمردتش عليه

الحاج:مالك يابنتى ما بترديش ليه

نسمه:اصل بصراحه خايفه احكيلك تحكم عليا زيهم ومش عاوزه اكدب عليك فى اى كلمه هقولها

الحاج:لا يابنتى احكى ومتخافيش 

حكت نسمه له كل حاجه حصلت معاها لحد ما قبلته 

الحاج :انك يابنتى كنتى صريحه معايا كده وماردتش تكدبى عليا يدل على أن قلبك صالح وايه ذنبك ان كان والدك تصرفاته مش كويسه دا ربنا نفسه مابيحسبش حد الا على اللى هو عمله بس الناس ما بترحمش اللى يقع تحت ايدهم انسي اللى فات يابنتى وخليكى فى النهارده وفكري فى بكره الماضي بتاع والدك ربنا يرحمه إنما اليوم وبكره بتاعك والدنيا ما بتحبش الاستسلام لو على انك زعلانه انه مخلكيش تكملى تعليمك كمليه لسه بكره أمامك ولو زعلانه من ماضي والدك اللى لحقك ببهدله بعده امحي الماضي ده بجهدك وأخلاقك 

نسمه:ياريت ياحاج اكمل تعليمى دا كان حلم حياتى 

الحاج:خلاص ما تشيليش هم انتى بس ركزي فى شغلك معانا واثبتي لى انك بنت جدعه وانا شويه كده هكلم حازم يخلص ليكى الموضوع ده 

نسمه قامت تقبل ايده ربنا يكرمك يارب 

الحاج شد ايده اقعدى يانسمه 

وشويه وبدأ المتجر يتملي بالمشتريين وبدأت نسمه تبيع وتفهم وتندمج فى أعمال المتجر 

ومرت الايام وبدأت تعرف تتعامل مع حسام لدرجة انه بدأ ييأس من انه يقدر عليها وبقى يرخم عليها كده بالكلام الخفيف وهي بتحاول تعديها ومتعلقش وكانت بتحاول تتجنبه وتوجه كلامها كله لحازم وكان حازم ديما معاها وواقف فى صفها ولما الحاج شاف انها بنت جدعه وعرفت بسرعه تلم بكل حاجه فى المحل لدرجة انهم أصبحوا يعتمدوا عليها تكون لوحدها بالمتجر قال لنسمه انه جهز ليها مكان عندهم فى اخى دور هيكون افضل ليها من قعدتها لوحده بعيد عنهم كانت نسمه متردده فى الاول خوفا من مضيقات حسام بس حازم كان واقف وهما بيتكلموا فلما وجدها متردده قال ليها دا افضلك يانسمه ومتقلقيش من اي حاجه وكمان عشان لو عوزتينا فى اى حاجه نكون قريبين ونسمه ما بتقدرش ترد كلمه لحازم أول ما قالها كده قالت اللى تشفوه هو انا ليا كلمه بعد كلامكم وبص الحاج لحازم وقال له انه يشوف ازاى يقدم لنسمه عشان تكمل تعليمها منازل رحب جدا بالموضوع وشجعها وقال انا كمان اللى هذاكر ليكى انتى بنت شاطره وذكيه يانسمه وتستحقي انك تكملى تعليمك وفعلا خلص كل ورقها وبدأت فى المذاكره وخصص ليها حازم كل يوم ساعه يذاكر ليها فيها واهتمام حازم بنسمه خلق داخلها مشاعر لحازم من غير ماتحس وكان طول ما هو بيذاكر ليها وهي بصه له وسرحانه فيه وهو يرجع يسألها فى اللى قاله تقول له معلش انا اسفه سرحت شويه يقول ليها لا كده ما ينفعش ركزي شويه هقولك على حاجه ركزي كويس عشان الأسبوع القادم هعمل ليكى اختبار ولو فرحتينى وحصلتى فيه على درجه كويسه هجبلك هديه قالت فى بالها انت هديتى اللى ربنا هدانى بيها ياسلام لو ربنا يجعلك من نصيبي ورجعت قالت مالك يانسمه بلاش تفكري لبعيد كده 

حازم:قولتى ايه يانسمه

نسمه :ها

حازم:لا دا انتى مش معايا خالص اللى واخد عقلك يتهنى بيه 

نسمه هاين عليها تقول له وهو فى غيرك اللى واخد عقلي 

ردت وقالت هو مين المفروض يجيب هديه لمين المفروض انا اجيب ليك هديه لأنك تاعب نفسك معايا 

حازم:ايه عاوزه تدين احر مذكرتي ليكى

نسمه: لا انا ماقصدش كده طبعا انا بس اقصد المفروض انا تقديرا لجهودك معايا اعبر عن شكري ليك بأي هديه ولو رمزيه 

حازم:لا يستى اعتبري ان شكرك وصل بس انا بتكلم بجد هعملك اختبار ولو جبتي درجه كويسه هجبلك هديه بس لو جبتي درجه مش حلوه هشوف ليكى عقاب وهزعل منك خلاص اتفقنا 

نسمه فى بالها اكبر عقاب ممكن تعاقبني بي انك تزعل منى

 ومرت الايام ونسمه امتحنت اخر العام ونجحت وما كنش هاممها انها نجحت وهتنتقل لمرحله جديده اكتر من ان هتفرح حازم انه مجهوده مارحش على الفاضي 

 وخصوصا انها نجحت بتفوق وبقت راجعه وهى طايره من الفرحه وراحت على حازم وقالت له انا عندى خبر هيفرحك اوى فقال ليها وانا كمان عندى خبر فقالت نسمه خلاص قول انت الاول قال ليها لا انتى اهم قولى هى مش النتيجه هتظهر النهارده صحيح اكيد هو ده الخبر انك نجحتى قالت صح وبتفوق كمان فقال حازم مبروك يانسمه على اول خطوه فى طريق نجاحك ان شاء الله انا متنبىء ليكى هتكون حاجه كويسه فقالت ايك عرفت الخبر اللى عندى ايه بقى الخبر اللى عندك فقال حازم انا بكره رايح انا ووالدى وحسام عشان اطلب ايد زميله ليا فى الكليه 

نسمه الخبر كان صدمه ليها لدرجة أنها ماقدرتش ترد بأي كلمه حاولت أنها تتماسك بس ما بقتش قادره حازم قال ايه يانسمه مافيش مبروك مالك فى ايه

 تماسكت نسمه وقالت مافيش اصلى حسيت فجأه بشوية تعب فقال حازم اصلى كنت عاوز اجيب هديه أقدمها لعروستي بعد الاتفاق وانا بثق فى ذوقك فكنت عاوزك تيجى معايا تختاري معايا حاجه ليها سكتت نسمه وهي حاسه ان كلامه نازل عليها كنزلت السيف على رقبتها وبتقول بينها وبين نفسها كتير عليا اللى بتقوله ده ياحازم انا اختار ليها هديه بنفسي 

حازم :مالك يانسمه ايه اللى حصلك وما بترديش على كلامى ليه

ايه مش عاوزه تيجى معايا ولا ايه 

نسمه:لا طبعا انت ازاي تقول كده دا انت خيرك عليا وانا اخدمك بعنيه بس انا شايفه انك اكتر واحد يقدر يعرف ذوقها ويختار الهديه اللى تعجبها

فقال حازم اه عندك حق ما انا هقولك على ايه اللى بتحبه وبيعجبها وانتى تختاري على ذوقك 

نسمه:انا تحت امرك  

حازم:خلاص اخر اليوم اخدك ونروح نختار الهديه 

وراح سايبها فى المتجر لوحدها ومشي 

قعدت نسمه على الكرسي ورجليها ما بقتش قادره تشيلها والدنيا بتلف بيها ومش حاسه باللى حواليها لدرجة ان الزباين بقت واقفه أمامها ويكلمها وهى مش داريه بيهم وشويه ودخل عليها حسام وزعق فيها ايه يانسمه انتى مشغوله فى ايه وقاعده سايبه الزباين واقفين كده نسمه وقفت وقالت لحسام كويس ان حضرتك جيت اصلى انا حاسه بشوية تعب ومش قادره اقف وبعد اذنك انا هروح عشان استريح شويه وقامت وسابته ومشيت وهو بيكلمها بس هيا ما وقفتش تسمع هو بيقول ايه وروحت ودخلت غرفتها واترمت على السرير وفضلت تبكي وتقول لنفسها انتى اللى غلطانه يانسمه علقتى قلبك بيه رغم انه عمره ما وعدك بحاجه ولا عمره قال انه بيحبك ايه مصدومه ليه ورجعت قالت وهو يعنى حبي ليه بأيدى انا ماحستش بنفسي الا وانا بحبه وبموت فيه حبه اتسرب لقلبي من غير ما احس وفضلت طول اليوم فى غرفتها ومطلعتش منها ونفسها وقفت عن كل حاجه حتى نجاحها نسيته ومابقاش له لازمه فى نظره 

حازم رجع المتجر عشان يعدى على نسمه ياخدها زى ما اتفقوا بس مالقاش غير حسام

حازم:ازيك ياحسام امال فين نسمه

حسام:نسمه ماعرفش مالها دخلت عليها اول ما جيت كانت سايبه الزباين وقاعده بكلمها قالت انا ماشيه عشان تعبانه شويه وحتى ما استنتش تسمع منى كنت بكلمها عشان اقولها تقعد لحد ما حد انت ولا ولدى يجي عشان كنت بفكر اروح مشوار 

حازم :طب وما كلمتنيش ليه 

حسام:اتصلت عليك لقيت تليفونك غير متاح لغيت المشوار وقعدت بس تفتكر هى مالها دى كانت فى دنيا غير الدنيا

حازم:مش عارف على العموم انا رايح مشوار هعدي عليها وانا رايح اشوف مالها سلام 

حسام:رايح فين انت كمان تعالى يا ابني اقعد شويه والله اقفله وامشي أنا كمان هو فى ايه 

حازم مشي وماسمعش بقيت كلام حسام وصل البيت وطلع خبط على نسمه

 قامت نسمه فتحت ايوه يا ا.حازم انا هدخل دقيقه واكون جهزة

حازم:مالك يا نسمه شكلك تعبانه ايه رايك اخدك تكشفى الاول

نسمه:لا ابدا مش مستهله شويه وهكون كويسه ان شاءالله 

حازم:خلاص ما دام تعبانه نأجل الموضوع لبكره الصبح احنا كده كده رايحين للناس اخر النهار 

نسمه:لا مش هينفع بكره عشان المحل انا دقيقه وهلبس وسابته ودخلت

حازم فى باله مالها دى ايه اللى حصل ليها 

شويه وخرجت نسمه انا جاهزه 

اخدها ونزل وفضل طول ما مهما ماشين يكلمها عن زميلته ويقولها بصي هي بتحب الفساتين والذهب والساعات 

ونسمه ما كنتش قادره تسمعه وهو قاعد بيتكلم عنها 

بس حاولت ما تبينش وتتجاوب فى الكلام معاه فقالت له لو انت ما تعرفش مقاساتها فى الفساتين يبقى بلاش فستان وكذلك بالنسبه للذهب بلاش خاتم عشان المقاس ممكن سلسله فيها قلب او حرفين اساميكم او ساعه فقال انا كنت بفكر فى فستان جميل على ذوقك اصل هى عندها ساعات كتير وبالنسبه للذهب وقت الشبكه ابقى نختار انا وهي هديه بالاضافه للشبكه ايه رايك وبخصوص المقاس هى تقريبا مقاسك لانها فى جسمك كده 

نسمه:خلاص اللى تشوفه 

حازم:فى محل هنا سمعا انه عنده موديلات جميله تعالى ندخله ونشوف كده 

دخلوا المحل وفضلوا يتفرجوا وحازم يخيرها مابين الفساتين ونسمه واقفه ما اختارتش حاجه وحازم كل شويه يطلع فستان ها ايه رايك فى ده تقوله لا مش حلو طب ده يعنى طب ده اه ده شكله جميل

حازم:طب ممكن تدخلى تلبسيه نشوف المقاس واشوفه فى لبس عامل ازاى

نسمه بينها وبين نفسيها لا كده كتير عليا ارحمني ياحازم كمان هلبسه عشان تتخيله عليها لا كتير انا مش قادره

حازم :يالا يانسمه خلينا نشوف كذا حاجه نختار منهم 

نسمه:حاضر يا حازم اخذت الفستان ودخلت وارتدته وخرجت له حازم اول ماشافها: ايه الحلاوه دي يانسمه

نسمه:قصدك ايه حلاوة الفستان ده مش حلاوتى انا

حازم:لا اقصدك انتى الفستان جميل اوى عليكى ياترى هيكون جميل عليها كده برضو

نسمه بضيق: مش عارفه ها خلاص اغيره 

حازم :ماشي 

دخلت تغير وهى بالداخل قال ليها ثوانى ممكن اشوف الفستانين دول كمان عليكى فتحت باب البروفه سنه ومدت ايدها حاضر واخدتهم منه وقفلت باب البروفه وغيرت الفستان بواحد اخر وطلعت ها 

حازم:انتى ايه حكايتك ياسمر محليه الفساتين كلها فى عينى انتى كده هتحيرينى معلش بقى اخر فستان اللى جوه

نسمه:ما خلاص مادام الاثنين اللى جربتهم عجبينك اختار واحد وخلاص ولا خدلها الاثنين 

حازم:معليش يانسمه استحملينى 

نسمه:حاضر اللى تؤمر بيه لازم انفذه

ودخلت وارتدت الفستان الآخر وخرجت

حازم:تحفه بس اول واحد هو أجمل واحد عليكى خلاص انا هخدهم الثلاثه 

نسمه:زي ما انت عاوز يالا بقى نمشي لحسن انا تعبانه زي ما انت عارف 

حازم:ماشي بس انا عازمك بمناسبة نجاحك ومناسبة خطوبتى 

نسمه :مابلاش النهارده اصل انا لسه تعبانه 

حازم :معلشي يانسمه النهارده انسب يوم لان بعد الخطوبه هكون مشغول مع خطبتى 

نسمه:خلاص مش لازم 

حازم:لا ازاى بقى لازم وبص فى الفساتين وقال ممكن تدخلى ترتدي الفستان ده 

نسمه:ليه تانى مل انا لبسته مره وشوفته 

حازم:اسمعى الكلام يانسمه 

نسمه:حاضر 

دخلت لبسته وخرجت ها

حازم:قمر يالا بينا 

نسمه :طب اغير الفستان 

حازم:لا دا هدية نجاحك بصراحه لما شوفت قد ايه انتى جميله فيه فكرت انه انسب هديه ليكى وكمان عشان لما نعمل الخطوبه تحضري بيه يالا بقى

واخدها ودخلوا مطعم واول ما دخلوا شد حازم كرسي وقال ليها اتفضلى 

نسمه وهى بتقعد ايه الدلع ده ياسي حازم

حازم:النهارده يوم نجاحك ولازم تدلعى

نسمه فى بالها فضلت تدلع فيا لما خلتنى حبيتك وخلتنى طلعت بيك السماء ورجعت سبتنى وانا فوق لما وقعت وانكسر قلبي 

الجارسون جه 

جازم:اليوم يومك يعنى هناكل على مزاجك النهارده 

نسمه :لا انا عاوزه اكل على مزاجك انت 

حازم:خلاص ماشي  

وطلب حازم الاكل وفضل يتكلم معاها ويحكي ليها اول مره شاف فيها زميلته اللى هيخطبها وانه قد ايه حاسس انه هيكون سعيد معاها وفضل يتكلم عن جمالها وادبها 

نسمه:هاين عليها تقول له خلاص مش عاوزه اسمع حاجه 

الاكل جه وحازم مد ايده وبدأ الاكل

ونسمه فضلت سرحانه وتكلم نفسيها وتقول كان فيها ايه ياربى لو كان من نصيبي مش كان زمانى قلبي ارتاح وكنت ابقى اسعد انسانه فى الدنيا انا ما كنتش عاوزه حاجه من الدنيا غيره 

حازم:ايه نسمه ما بتكليش ليه ماعجبكيش ذوقي فى الاكل

نسمه:لا انا هاكل اهو

وبعد ما خلصوا الاكل روحوا وقبل ما تطلع لغرفتها قال ليها ادعيلى ربنا يتمم الموضوع على الخير

نسمه:اه اه اكيد هدعيلك

وقال بينها وبين نفسها يارب ما يتم خالص قال ادعي انه يتم مايعرفش انه بيموتنى بكلامه ده

وفعلا تانى يوم راح هو ووالده وحسام عشان يطلبوا ايد زميلته 

وتم الاتفاق على كل حاجه وقراءوا الفاتحه وقرروا انهم هيعملوا حفله صغيره يلبسها فيها الشبكه بعد اسبوعين ورجعوا 

ونسمه كانت فى غرفتها قاعده على نار مستنيه تعرف هل انتهى أملها وحبها تماما ولا لسه فى امل وكانت عاوزة تنزل تسأل بس مش قادره لحد ما سمعت زغروطه فى البيت عرفت ان تمت الخطوبه فضلت فى غرفتها وفضلت تبكي بعدها بساعه سمعت حد بيخبط على الباب قامت مسحت دموعها وراحت فتحت الباب وجدت حازم أمامها 

حازم:ايه يانسمه مانزلتيش ليه معقوله مش سامعه الهيصه اللى تحت دى اختى جت ولمت اصحابها وعملين هيصه تحت فى الشقه عشان تمت الخطوبه الحمدلله وهلبس الشبكه بعد اسبوعين انزلى يالا هيصي معاهم شويه بدل ما انت حابسه نفسك كده وبعدين ما فيش مبروك ولا ايه

نسمه:الف مبروك ربنا يتملك على خير

حازم:يالا طب انزلى 

نسمه:معلش اصلى لسه تعبانه شويه 

حازم:انزلى بقى وبلاش كسل ولا انتى مش فرحانه لى 

نسمه:لا طبعا فرحانه هغير وهنزل 

نزلت نسمه وجدت اخته وصاحبتها واقاربها البنات قاعدين يرقصوا على اغانى مشغلنها سلمت عليهم وفضلت قاعده لوحدها حسه ان قلبها بيحترق 

وشويه وقرب منها حسام: ايه الجميل ماله 

نسمه:لا مافيش ما انت عارف انى تعبانه شويه

حسام:اه انا عارف ان الجميل تعبان شويه بس ياترى من ايه

نسمه:يعنى هيكون من ايه اهو تعبانه وخلاص 

حسام:انا بقى عارف من ايه اصل الجميل كان عشمان وعشمو راح على الفاضي ما انا قولت ليك من الاول ملكش غيري 

نسمه:ايه يا حسام احنا مش كنا خلصنا من الكلام الفاضي ده 

حسام:يابنتى انا بواسيكى بس عشان صعبانه عليا 

 ماردتش عليه وماقدرتش تطول فى القعده وراحت طلعه تانى

حسام استغل ان الكل ملهى والدنيا هيصه وراح طالع وراء نسمه 

وخبط على الباب فتحت نسمه لقت حسام أمامها

نسمه:فى ايه تانى ياحسام جي تكمل تريقه عليا ولا ايه

حسام:ايه يابنتى مافيش اتفضل هتكلم وانا واقف على الباب كده 

نسمه :ماينفعش تدخل انت اكيد فاهم كده كويس 

حسام:يعنى حازم لمت بيطلع كنتى بتكلميه على الباب كده برضو 

نسمه:وايه الفرق سواء انت او حازم هى دى الأصول وحازم هو من نفسه عمره ما طلب يدخل وبعدين انت طالع ليه ورايا افرض حد خد باله يقولوا ايه اتوعدنا اتفضل انزل يا حسام لو سمحت بدل ما انده على حازم ينزلك هو بنفسه  

حسام:ما خلاص بقى يانسمه هو حازم بقى فاضي ليكى كان زمان دلوقتى عنده كتكوته تانيه

نسمه:طب اتفضل انزل عشان اقفل الباب 

حسام:نازل يانسمه نازل

تانى يوم راحت نسمه المحل رغم أنها محبطه جدا بس حاولت أن الموضوع ده ما يأثرش على شغلها لان ده هو سندها دلوقتى وكانت بتحاول تلهي نفسها فى الشغل أنها تبطل تفكر فى حازم وشويه وجدت حازم جى على المحل وفى ذراعه بنت جميله وشيك فقالت فى نفسها قبل ما يدخل عليها معقوله هى دى خطيبت حازم اه اكيد هي 

دخل حازم وقال ازيك يانسمه امال بابا فين اعرفكم الاول ببعض بص لخطيبته وقال ريهام خطيبتى وبص لى وقال نسمه شغاله معانا بنت جدعه اوى وشاطره ياريهام 

نسمه:دا من ذوقك ياحازم انت اللى محترم وكلك ذوق وكمان ذوقك حلو خطيبتك جميله خالص

ريهام:شكرا .مش يالا ياحازم مش والدك مش هنا مستنى ايه 

حازم:طب هنمشي احنا يانسمه سلام

نسمه :سلام

وقعدت على الكرسي وحبها لحازم وغيرتها عليه وانها مش مصدقه انها شيفاه مع حد غيرها هتموتها 

ريهام:ايه ياحازم البنت دى 

حازم:تقصدى مين نسمه 

ريهام:اه هو فى غيرها 

حازم:مالها 

ريهام:مالها واخده عليك كده ونزلين شكر ومدح فى بعض مادام عجباك كده ما خطبتهاش ليه

حازم ضحك :ايه ياريهام انتى هتغيري ولا ايه وبعدين هو اناه عينى شايفه غيرك 

ريهام:بس بصراحه كده انا مش مرتاحه لوضع نسمه دى معاكم فى المحل كده ما جبتوش واحد ليه فى المحل بدل البنت اللى تبقى واقفه فى وسطكم كده فى المحل

حازم:اللى حصل بقى ياريهام وبعدين احنا خارجين عشان نتكلم فى موضوع نسمه ما تخلينا فى حياتنا وبكره بتاعنا

ريهام:ماشي ياحازم بس اعمل حسابك الكلام فى الموضوع ده لسه ماخلصش

حازم:ها ما قولتيش عاوزه تروحى فين 

ريهام بضيق: زي ما انت عاوز

حازم:خلاص سيبي لى نفسك وفضلوا يلفوا طول اليوم واستمتعوا ورجعوا بس كانت كل ما تيجى سيرة نسمه فى اى موضوع كانت ريهام تضايق وتقوله انا البنت دى مش مرتاحه ليها ولا لشغلها معاكم وحازم يحاول يفهمها ان هيا مكبره الموضوع على الفاضي وان هي مجرد واحده شغاله معانا ومافيش اى شيء يدعوا لقلقها ده وكلامه فى الموضوع كتير بالشكل ده بس ريهام مش مرتاحه وكأنها حست بالاحساس الانثوي باللى داخل نسمه تجاه حازم

وهما رجعين

  ريهام: قالت له هعدي معاك على المحل اسلم على والدك وتبقى توصلنى 

حازم:خلاص ماشي

اول ما وصلوا كان فعلا الحاج راح المحل دخلوا 

حازم:سلام عليكم ازيك ياحاج اخبارك ايه 

الحاج:ازيك ياحازم الحمدلله ياحازم

حازم:ريهام صممت تيجى تسلم عليك تعالى ياريهام

ريهام:طبعا يا حازم لازم اصمم دا والدى التانى مش والد حزومى حبيب قلبي ولا ايه يا حاج 

الحاج:طبعا يابنتى ربنا يهدي سركم ويتمم ليكم 

ريهام:ربنا يخليك لينا يا حاج ويخلى حازم ليا ويبعد عننا اي شر 

نسمه:قاعده ما بتتكلمش وكلام ريهام بيحرق فى دمها كأن ريهام قاصده كده 

ريهام:انا همشي بقى ياحاج تؤمرني بأي حاجه قبل ما امشي لحسن انا اتأخرت واهلى بيقلقوا عليا اوى يالا ياحازم عشان توصلني 

حازم:طب عاوز حاجه ياحاج انا هروح اوصلها وهروح على البيت

الحاج:لا خلاص روح انت ياحازم وصل خطيبتك وارجع ريح 

ومشيوا حازم وريهام وما اتكلموش معاها الاثنين كلمه واحده حتى حازم وكأنه بدا يخاف يضايق ريهام بكلامه مع نسمه 

نسمه فضلت قاعده سرحانه والحاج بيكلمها بيقولها انا كمان يانسمه هقوم اروح وانتى لو الوقت اتأخر وحسام ماعداش عليكى زى ما كان قايل لى اقفلى وتعالى 

نسمه:ها كنت بتقول حاجه ياحاج

الحاج:ايه يابنتى انا بكلمك بقولك انى همشي مالك فى حاجه

نسمه:لا ياحاج ما فيش اتفضل حضرتك 

الحاج:كنت بقولك لو حسام اتأخر ومعداش عليكى ابقى اقفلى انتى 

نسمه:ماشي ياحاج حاضر

الحاج :سلام يابنتى

نسمه :سلام يا حاج 

سرحت نسمه مع نفسها وبتفكر وبعدين فى قلبى اللى متعلق بحازم ده مش قادر يصدق انه ما بقاش ملكه وهي سرحانه 

دخل عليها حسام وراح داخل من غير ماتحس وراح لمسها وهو بيقول الجميل سرحان فى ايه اضخضت نسمه وقامت وقفت 

نسمه:وبعدين معاك ياحسام انت مش هتبطل اللى بتعمله ده 

حسام:ايه بهزر معاكى فيها حاجه دى 

نسمه:لا انك تمد ايدك وتلمسنى ده مش هزار انت عارف دا ايه 

حسام :وبعدين معاكى انتى مش هتلينى ابدا وتبطلى تتعلقي بحبال دايبه 

نسمه سكتت وماردتش 

حسام:اه لو تطاوعني دا انا هنغنغيك

نسمه:الظاهر ان ما فيش فايده فيك تلف تلف وترجع لكلامك اللى يحرق الدم انا ماشيه 

راح حسام ماسك ايدها يابت اقعدى خلينا نتفاهم شالت ايده من عليها وقالت له انا ماشيه سلام 

حسام :طب استني نقفل ونمشي مع بعض 

نسمه:وحضرتك كنت جى ليه لما ناوى تمشي علطول كده

حسام:ايه يابنتى دا محلنا اجى اروح برحتى وبعدين بصراحه انا لما لقيت الحاج رجع البيت قولت اجى اشوفك يمكن عاوزه حد يسليكى يواسيكى اي حاجه 

نسمه:سلام هتفضل طول عمرك زى ما انت

حسام:وهو بيقفل المحل يابنتى استنى

 قفل المحل وراح وراها وطول ما هو ماشي جنبها يابنتى طب هنكتب ورقه عرفى صدقينى مش هخليكى نقصك حاجه طوعينى 

نسمه تمد أمامه وتقوله انت كده هتخلينى اقول للحاج انا صبره ده كله اقول بكره يعقل ويفهم انى ماليش فى الكلام ده بس خلاص بقى انا زهقت هقول للحاج واللى يحصل يحصل 

حسام:بقى كده ماشي يانسمه ان ما خليتك تندمى 

نسمه سبقت وسابته وهو ماشي وراها طلعت نسمه على غرفتها واتارى حسام كان ناوي ليه على نايه 

اول ما طلعت غرفتها طلع وراها وخبط عليها اول مافتحت ولقته أمامها عاوز ايه ياحسام انت مافيش فايده فيك  

 راح زققها وهو بيقول انتى اللى مافيش فايده فيك ومش هتيجى غير بالعافيه ودخل ورد الباب بايده وهى وقعت على الأرض من الدفعه 

نسمه:فى ايه ياحسام انت بتعمل كده ليه وعاوز ايه اتفضل اطلع بره بدل ما اصوت والم الدنيا عليك 

حسام :اعمل ايه انتى اللى مش عاوزه تطاوعني 

وقرب عليها لسه هتصوت راح وضع ايده على فمها وقال ما انا قولتلك انتى ليا .تابع

الجزء الثالث