نسمه على الطريق

الله يسامحك ياولدي انت السبب فى إللى انا فيه ده

يابنتى ادعيله بالرحمه 

بدعي له والله ياساره بس ذنبي ايه انا فى اللى انا فيه ده 

ذنبي ايه ان والدى كان ضاحك على أهل البلد وبيقولوا عليه انه كان  بيلعب بالبيضه والحجر وناصب عليهم طب دي أفعاله هو

 انا مالى دا حتى والله ماساب لي جنيه واحد كان اي مليم يحصل عليه كان مضيعه اول بأول على السهر وصرفه على الحريم ودلوقتي هما وخدنى بذنبه وحتى الشقه اللى لمانى من الشارع عاوزنى ابيعها ويخدوا حقهم وكلهم عليا ومعاهم وصله وأوراق ديون على والدى اكتر من قيمة الشقه وأهم عاوزين يخدوها ويرمونى فى الشارع طب اعمل ايه انا يا ساره دا كمان نسوانهم محكمين رايهم انى اسيب البلد وامشي بيقولوا قال ايه اكيد طالعه لوالدى وممكن الف على رجالتهم واميل عقلهم قولى لى اعمل ايه ياساره واروح فين فى اب يعمل فى بنته كده 

ساره:سبيها على الله يانسمه بكره ربنا يفرجها 

نسمه:ممكن تباتى معايا يا سمر انا خايفه انام لوحدى انا ماليش غيرك ياصحبتي وممكن اي حد له فلوس عند والدى الله يرحمه يجي يتهجم عليا وهو فاكر انى معايا فلوس سبهالى والدى 

ساره:بس اخويا مش هيرضى ابات برا البيت معلش يانسمه انا حتى هقوم دلوقتى لحسن اتأخرت وكده هيزعق لى سلام بقى 

نسمه:سلام يا ساره

وبعد ما خرجت ساره

حتى انتى ياساره هتتخلى عنى يالا هي جت عليكى هعمل ايه ياربي ليه كده يابا بدل ما تسيب لى حاجه اتسند عليها بعدك تسيب لى ديون وسمعه ما انت عارف يابا اننا مقطوعين من شجره دا حتى التعليم فضلت اتحايل عليك انى اكمل بعد الاعداديه قولت لي هتعملى ايه بالتعليم البنت مالهاش غير الزواج ادينى ولا اتعلمت ولا اتزوجت ومين هيتقدم لى باللى انت عامل فى اهل البلد هقول ايه بس غير الله يرحمك ويسمحك 

ووضعت نسمه رأسها على الوساده محاوله أن تغفل قليلا ولكن القلق والخوف من الغد جعل النوم يطير من عينها واي صوت كانت تسمعه يقترب من باب الشقه تخاف وتقلق وظلت تنظر حولها فى الشقه والسكون والوحشه والوحده والقلق يحيطوا بها

وغفلت عيناها من التعب والإرهاق وهروب من التفكير ولكن لم تهنىء بالنوم كثيرا فبمجرد شروق الشمس وكان كل من له دين عند والدها متجمعين أمام باب شقتها وكأن كل منهم يحاول ان يغفر بدينه قبل الآخر وافزعوها من شدة الطرق على الباب وقامت مفزوعه جالسه على السرير وكانت تظن أنها كانت فى كابوس ولكن ظل الباب يطرق بصوت عالى وسمعت ضوضاء وهرجله بالخارج ومنهم من يقول افتحى خلى كل واحد ياخد حقه وأخر افتحى انتى اصلا مالكيش حق فى الشقه دى ولا فى اللى فيها انتى اصلا نايمه فيها ليه قامت هى من على السرير دون مبالاه وارتدت ملابسها وأخذت شنطت يديها وشنطة ملابسها وفتحت الباب وخرجت أمام الجميع وهى تقول الشقه وكل حاجه عندكم اهي اللى شايف حقه فى حاجه ياخدها وانا سيبهالكوا وماشيه راحت واحده من اللى ليهم دين اخدت منها شنطة الملابس وشنطة يديها وقالت ولا حتى هتخدى دول اكيد فيهم أوراق بحسابات او اى حاجه خاصه بوالدك واخرى قامت بنزع الحلق والسلسله اللى كانت لبساها قالت نسمه بس دول حاجتى انا حرام عليكم انا ماعيش غيرهم راحت حطت وصل امانه على والدها فى ايدها وقالت خدى حقهم اهو وراحت دفعتها على السلم وهى تقول غورى خلى المكان ينظف  والأخرى رمت عليها شنطة ايدها بعد ما لم تجد بها شيء مفيد واخذت نسمه الشنطه و نزلت على السلم وهى تبكى وعندما نزلت نظرت إلى شقتها وهى تودعها ولا تدرى إلى اى وجهه سوف تتجه ولا إلى أي مكان تذهب وظلت تسير فى الشارع والدموع تسيل على خدها لم تستطع ان توقفها رغم ان العيون بالشارع تنظر اليها وذهبت إلى صديقتها ساره لكي تفكر معها ماذا تفعل والى أين تذهب وعندما وصلت لبيتها وسألت عنها خرج اخوها وقال لها ساره مش هنا فى مشوار وياريت ما تجيش تسألى عنها تانى وبمجرد ان لفت ظهرها سمعت ساره تقول لاخيها ليه قولت ليها كده حرام عليك دى ساره بنت كويسه وانت نفسك عارف كده وهى ملهاش غيري دلوقتى فزعق فيها وقال بس فى كلام دلوقتى عليها والبنت سمعه وماينفعش تكونى لكى بيها اي صله من النهارده انتى سمعه ادخلى ومش عاوز اسمع صوتك زاد ألم نسمه وسألت دموعها اكثر وسارت بلا هدف وظلت تسير فى الشارع حتى أصبحت لا تقوى على السير وجلست على رصيف بجانب الطريق تبكي ومش عارفه تعمل ايه ولا تروح فين حطت ايدها فى جيوبها تشوف معاها فلوس قد ايه وجدت لديها بعض المال ولكن ليس بكثير وظلت تحدث نفسها وبعدين يانسمه هتعملى ايه وهتروحى فين دانتى مقطوعه من شجره ايه هتنامى فى الشارع

وهتبقى عرضه لكلاب الشوارع ورجعت دموعها تسيل مره اخرى عندما لم تجد ردا على اسألتها التى تدور بداخلها حتى فجأه قطع تفكيرها وقوف احد السيارات أمامها ويقول من بها مالك ياقمر بصت ناحيته ولسه هتزقه وتقوله انت مالك وجدته راجل كبير فقالت سبني فى حالى بالله عليك ياعم الحج انا فيا اللى فيا مش ناقصه مضيقات من حد فقال الرجل وانت شايفه راجل فى سني ده ممكن يعاكس او يضايق بنت فى عمر بنته انا عندى اولاد اكبر منك 

نسمه:معلش ياعم الحاج بس انت اسلوبك اسلوب واحد بيعاكس دا انت اول كلامك ليا بتقولى مالك ياقمر 

ضحك الرجل الكبير :وقال معلشي اصل بنتي فى سنك كده ومابقولهاش غير القمر بتاعى فلسانى واخد على الكلمه 

نسمه:خلاص ياعم الحاج حصل خير معلش ممكن تسابنى فى حالى 

الرجل الكبير :يابنتى قعدتك كده غلط لو حابه اوصلك لأى مكان انا عارف انى المفروض ما اتدخلش بس كان لازم أعرض عليكي المساعده لانى حسيت انك محتاجه المساعده من بكائك وقعدتك فى الطريق بالشكل ده

نسمه:هو فى حد فى الدنيا دي محتاج مساعده زى 

الرجل الكبير:طب اقدر اعرف اقدر اساعدك ازاى 

نسمه :تبعتنى لأى حد اشتغل عنده هى دى الخدمه اللى ممكن تساعدنى فيها 

الرجل الكبير:طب خدى الكارت ده وروحى على العنوان ولو مش خايفه تيجى معايا اوصلك 

نسمه:لا انا هروح على العنوان شكرا اتفضل حضرتك انت

الرجل:معقوله لسه خايفه منى وقلقانه تركبي معايا

نسمه؛لا ابدا انا بس ما اتعودتش اركب سياره لوحدى مع حد غريب معلش 

الرجل :خلاص اللى يريحك سلام

نسمه تقول لنفسها ايه يابنتى ما ركبتيش معاه ليه شكله انسان كبير ومحترم ورجعت قالت لا كده احسن لحسن كان طع فيا ولا كان نظر لى نظره مش هي وبصت فى الكارت وجدته خاص بتاجر لديه متجر عطاره كبير وقالت انا اقوم اشوف اذهب للعنوان ده ازاى وفعلا قامت وسألت ودلوها على كيفية الذهاب للمكان وفعلا قدرت توصل ووجدت المتجر المقصود فوجدت به شاب قد يكون فى سنها او يكبرها قليلا فعندما دخلت قالت انا بعتنى الحاج للمتجر ده على اساس انه هيشغلنى هنا فقال الشاب بجد هو قالك انك هتشتغلى معانا معقوله الجمال ده هيقف معانا دا انا شكلى حظي من السما بس ايه الجمال والحلوه دى اتفضلى ادخلى تعالى مكانى هنا دا انا والدتى دعت لى وانا ما اعرفش انا هبتدى احب المحل اللى جبرني على الوقفه فيه عشان اصلى بحب الدلع واهو الدلع جه لحد عندى وفضل يغازل فيها وينظر لها نظرات مش هي اتحرجت نسمه من طريقه كلامه وما يلمح له وكادت تفكر ان تتركه وتذهب ولكن تفاجأت بخروج الرجل الكبير من باب داخلى للمتجر وهو يقول ياواد يا حسام انت مش هتبطل اللماضه والشقاوه اللى فيك دى ادخلى يابنتى تعالى دا حسام ابنى الصغير بس هو شقى ولمض شويتين فقالت نسمه بعد ان تشجعت برؤيته ربنا يحفظهولك يا حاج 

الحاج:انا الحاج عبد الرحيم اكيد عرفتى اسمي من الكارت انت بتعرف تقرأي طبعا يا نسمه ولا ايه 

نسمه:اه بعرف ياحاج بس ما كملتش تعليمى 

الحاج : خلاص يابنتى انتى هتشتغلى معانا هنا واولادى حسام وحازم هيعلموكى كل حاجه هنا لان هما عندهم تعليمهم برضو وبنحتاج حد يكون بالمحل فى الأوقات اللى بكون بخلص شغل بره وهما فى كليتهم بس طبعا يابنتى اهم حاجه هنا الامانه واحنا كل حاجه هنا بتسجل سواء بيع او شراء والايراد ومعلشي هتسيبى بطاقتك الشخصيه لحسام عشان هيخلى صوره هنا فى المحل فقالت نسمه حاضر حاضر وطلعت البطاقه بتاعتها وادتها للحاج بص فيها وبعدين قال انا هروح ياحسام مشوار ساعه كده وراجع خلى بالك من نسمه وعاوزك واحده واحده تعلمها كل حاجه وخد البطاقه ابقى صورها واديها ليها سلام عليكم

نسمه مع الف سلامه يا حاج ومتشكره اوى انك شغلتنى وانت ماقبلني فى الشارع ومتعرفش عنى حاجه 

الحاج:على أيه يابنتى انتى زى بنتي وبعدين انا ليا نظره فى الناس

مشى الحاج وساب نسمه مع حسام 

حسام بص لنسمه بغمز ولمز :ايه النظام ها

نسمه :نظام ايه مش فاهمه 

حسام:لا بقولك ايه انا بحب البنت اللى مفتحه ولا عاوزانى اقول للحاج لا دى خيبه ومش هتنفع فى شغلتنا دى فتحى دماغك انا بحب الدلع والروقان 

نسمه:وانا جايه هنا عشان اشتغل ويكون لى مصدر رزق اعيش منه فى الحلال

حسام:اه بس ما يضرش برضو انك تدلعى وتروقى ولى نعمتك

نسمه:ولى نعمتى 

حسام:اه اللى هو انا 

نسمه:احنا شكلنا هنتعب مع بعض اوى انا لا ليا فى الدلع ولا الروقان 

حسام:يبقى مش هتطولى هنا

نسمه:الأرزاق بأيد ربنا مش بأيد حد

حسام:دا انتى لمضه كمان 

شويه وحازم دخل عليهم وقال ازيك يا حسام 

حسام:اهلا يا حازم مش تسلم على نسمه اشتغلت عندنا من نصف ساعه بس واضح كده أنها مش هتعمر معانا 

حازم:بس ياحازم بطل شقاوتك دي

ازيك يانسمه 

نسمه:ازي حضرتك 

حسام:دى شكلها انسانه محترمه وكويسه بس سبها فى حلها انت وبلاش تطلع شقاوتك عليها. 

نسمه ارتاحت من كلام حازم عليها وحست انه هيكون حمايه ليها من حسام فقالت متشكره لحضرتك يا استاذ حازم كلك زوق 

حسام:بجد والله يعنى هو كله زوق وانا اللى معنديش زوق

نسمه:لا طبعا ما اقصدش كده طبعا

حازم:حسام فى ايه انت هتقف ليها على كل كلمه

حسام:بقولك ايه ياحازم اطلع انت من الموضوع ده وسبني نصتفى انا وهي 

حازم:انا رايح مشوار وراجع نكمل كلام بعدين سلام 

شويه والحاج رجع وقبل ما يقرب 

حسام:ها يانسمه هتروقى كده وتفكيها ولا افكر ليكى فى حاجه وارجعك الشارع اللى جيتى منه هيا كلمه واحده منى وهتلاقى نفسك فى الشارع تانى

نسمه:حرام عليك وهتستفاد ايه من رميتى فى الشارع 

دخل عليهم الحاج السلام عليكم 

نسمه عليكم السلام ياحاج

حسام :عليكم السلام كنت عاوزك ياحاج 

وهو بيبص لنسمه 

الحاج:خير ياحسام 

حسام:تابع

الجزء الثانى